Sunday, July 11, 2010

Kahaa panchi ne ped se,,,,

Kahaa panchi ne ped se “ Tumne mujhe chhanv di, phal khilaaya”
Kahaa ped ne panchi se “Tumne apni baton se, sthirtaa mein bhi mujhe duniya se milayaa”

Kahaa leher ne saahil se “tumse milkar mann ko badaa chain paati hoon”
Kahaa saahil ne leher “usi tarah jaise tu mujhe sukh dekar mera dukh apne saath le jaati ho”

Kahaa koyal ne kouwe se “Tumhaaree ghosle mein mera aashiaana hain, tumhe taklif kyun nahi hoti”
Kahaa kouwe ne koyal se “ Tumhaara aashianaa nahi hota, toh mere ghosle ko pehchaan nahi hoti”

Kahaa kichad ne kamal se “ Tum mujh mein khilte ho, tumhe kyun badbu naahi aati”
Kahaa kamal ne kichad se “tum meri rakshaa na karte, toh meri zindagi chali jaati”

manushya prakriti ki in khoobiyon ko kyun na seekh payaa
Har pita ne apne bete ko, is boori duniya mein khudgarz bannaa sikhayaa

Kahaa ek manushya ne doosre se, “tumhaari zameen meri hai, aur tumhaara paisa bhi mera ho jaayegaa”
Naa samajh hai woh,, boore kaam karke aakhir kab tak bach paayega.

Badh raha hai jhooth, aur kadvi ho rahi hai zabaan,
Sirf teen hi toh cheezein hain “Roti kapda aur makaan”

Poocha manushya ne Bhagwaan se “Hey Prabhu, yeh dukh bhari zindagi kyun nahi badalti”
Kahaa Prabhu ne manushya se “Tujhe banaakar ki hai maine sab se badi galati.”

3 comments:

Piyush said...

Awesome hai sir... :)

Simple and true thoughts.. :)

Rujuta said...

great rhyme dude!!

curry said...

kahaa tha maine..
tu zaroor kuch banke dikhayega

apni behen ka naam
zaroor roshan karega

kahaa tha maine...
tujhmein hai kuch baat

apni kavi wale hunar se
ache achon ki laga di waat ;)